रोल मोडेल

मी नोकरी सोडून शेती करायला लागलो, 2014 साली, तेंव्हा माझे चुलत मामा म, माझ्या आईला म्हणाले कि 'तुझ्या लेकाला माज आलाय, गप आपली नोकरी करायची सोडून हिकडं आलंय खोंड्या माळात'.

गेले 3 ते 4 वर्ष मी येथे संघर्ष करत आहे...माझ्याकडे माझा पारंपरिक व्यवसायातील, माझ्या वडवडिलांचा व माझा देखील प्रदीर्घ अनुभव आहे, तरीही मला बऱ्याच ठेचा खाव्या लागल्या....

आताशी कुठे बरे चालले आहे....
मी एवढं शिकून सावरून, शास्त्र वैगरे जाणत असून, हाताशी इंटरनेट, पुस्तके माहिती असून मला खूप संघर्ष करावा लागला...

हे एका बाजूला आहे...

माझ्या गावात अनेक मूल 10 वी नापास, 12 वि नापास वैगरे आहेत....आज त्यांच्याकडे ज्ञान नाही, व्यवसाय करण्याची अक्कल नाही, पैसा नाही... नवीन कोणता व्यवसाय करावा कसा करावा हे त्यांना माहित नाही...

तेंव्हा माझ्या त्या चुलत मामास मी सांगितले कि...
हा व्यवसाय मी नेटाने करणार आहे... मी यशस्वी झालो तर मी इथल्या तरुण मुलांसाठी रोल मॉडेल ठरेल....
मी अयशस्वी झालो तर मला कोठेही शिक्षणाच्या जोरावर 4 पैशाची नोकरी मिळवेन....

या तरुण पोरांना शास्त्र समजत नाही, म्हणूनच त्यांनी शिक्षण सोडलेलं असतं.... अश्या तरुण मुलांना.. शास्त्राची आवश्यकता नाही... त्यांना रोल मोडेल हवीत.. जे त्यांचा थेट अनुकरण करू शकतील...

आज माझे नातेवाईक जेंव्हा मेंढ्याना औषध खरेदी करायचे असते तेंव्हा ते मेडिकल मध्ये जाऊन मला फोन करतात, आणि मी संगील ती औषधे खरेदी करतात.

हा कसला बदल आहे...

हा बदल कसा शक्य झाला...

माझ्या परिचयाचे 3घे चौघे आहेत जे शेळी पालन सुरु करू इच्छितात... थोड्या फार प्रमाणात सुरु पण केले आहे... ते आज माझ्याकडे आशेने पाहतात.... पूर्वी ते कुचेष्टेने पाहत होते....

हा बदल कसा शक्य झाला...
माझ्याकडे क्षमता आहे... नवीन ज्ञान घेण्याची, शिकण्याची, प्रयोग करण्याची आणि महत्वाचं म्हणजे दुसऱ्याला शिकवण्याची, सांगण्याची...

मीच जर या क्षमतेचा उपयोग केला नाही... पारंपरिक ज्ञानाला कवटाळून बसलो.... तर मी (किंवा कोणीही) रोल मॉडेल बनु शकेल काय...?
हा माझा प्रशन आहे...

मी बंदूक घेऊन सीमेवर जाऊन लढू शकत नाही...

मी समाज सेवा कोणत्या प्रकारे करू शकतो...

ग्रामीण भागात अश्या नवीन तरुणास गरज आहे रोल मॉडेल ची....

हि रोल मॉडेल कशाचीही असू शकतात...

शेळी पालन.. दुघड व्यवाय, कुकुट पालन...
असे अनेक..

हिरोल मॉडेल काशी विकसित होतील...
ज्ञानाशिवाय विकासइट होतील काय....

कि केवळ पारंपरिक ज्ञानाचं आपल्याला यातून मार्ग दाखवू शकेल, तेवढाच एक आधारस्तंभ आहे का?

बाळू मोटे- बारामती- 9422512680