बे मिक्स

आमच्या बारामती तालुक्यात एक मोठे शिरोही शेळी पालन करणारे शेळी पालक आहेत. त्यांचे इतर मोठं मोठे उद्योग आहेत, जसे कि स्वतःची दूध संघ, पेट्रोल पंप इ इ.

मी काही त्यांचे शेळी पालन पाह्यला गेलो नाही. पण आमच्या पाहुण्यांपैकी एक तरुणास तेथे नोकरीला ठेवण्यात आले होते.

जनरली अशी मोठे शेळी पालक धनगर समाजातील मुलांना कामास ठेवण्यास जास्त उत्सुक असतात. त्याचे कारण असे कि त्यांचेवर लहान पणापासून शेळ्या मेंढ्यांचे संस्कार झालेले असतात. उदा. एकादी शेळी व्ययला झाली असेल तर धनगर समाजातील व्यक्ती जनरली रात्री झोपताना जागसुद (म्हणजे शेळीचा आवाज आला कि लगेच जाग येईल असे) झोपेल. हि बाब त्यास सांगावी लागत नाही. हे नैसर्गिक रित्या त्याच्या डोक्यात शेळ्या मेंढ्यांच्या संस्कारामुळे फिट असते. पण दुसरा माणूस त्या जागी कामास ठेवल्यास या प्रसंगात त्यास शेळी विन्याची कल्पना देऊनही जनरली तो डाराडुर झोपेल. असो.

मी त्या पाहुण्यास विचारले कि काय खाद्य घालतात, खुराक काय देतात व टॉनिक काय पाजतात?

वरील प्रश्नांची उत्तरे आमचा पाहुणा असून देखील तो देईन, व्यवस्थित देईना.
शेवटी बळे बळे त्यांनी सांगितले कि चार्यामअधे फक्त सोयाबीन भुस्कट व हत्ती घास देतात, खुराक मका देतात. कोणतं टॉनिक वापरतात हे काय तो सांगेना, फक्त म्हणायच कसली तरी पावडर वापरतात.
नंतर काही दिवसांनी मी त्या पाहुण्याच्या घरी काही कामानिमित्त गेलो होतो, तेंव्हा भांडी घासाची जागेवर एक प्लास्टिक बादली होती, त्यावर लिहिले होते - बे मिक्स पेकुटरीन. बस- मी समजून घेतलं.

तो पाहुणा मला कही सांगत नव्हता कारण त्याला त्याच्या मालकाने निक्षून सांगितले होते कि इथली माहिती बाहेर संगायची नाही, नाहीतर कामावरून काढून टाकीन...!

हा प्रसंग मी जेंव्हा व्यवसायात नवीन होतो तेंव्हाचा आहे. तेंव्हा मला खरोखर माहितीची गरज होती. शास्त्रीय माहिती वरवरचंइ मिळायची पण अनुभवाची माहिती कुठेच मिळत नव्हती.

फिरसत्य शेळ्या मेंढ्यांचाचा मला जन्मजात अनुभव आहे पण बंदिस्त मधील माझ्या अगदी सुरवातीच्या काळात मी खूपच चाचपडत होतो.

शेवटी मला प्रयोग करत करत शिकावे लागले. तोटा पण खूप झाला, पण शिकलो सुद्धा..!

शिकणे सतत चालूच असते...!

बे मिक्स पेकुटरीन नावाचे प्रोडकट एका कंपनीचे (बहुतेक बायर) आहे. त्यात बायपास प्रोटीन व बायपास फॅट असते. रोज च्या वापराने जरी आपण निकृष्ट चारा देत असू तरी शेळ्या चांगल्या राहतात, असा त्या फार्म चा अनुभव.

मी कधीही बे मिक्स पेकुटरीन वापरले नाही. मी माझ्या नियोजनावर्ती (आहार) समाधानी आहे.
-बाळू मोटे (9422512680)